Бо оғози соли нав ҷонибдорону тарафдорони ҷангу хушунат ва нобудсозии башарият ба кору амалӣ худ оғоз карда, сулҳу субот ва оромиву осудагии бошандагони як минтақаро вайрон намуданд. Дар ин соли нав макони оғози бадкирдорон яке аз давлатҳои пешрафтаву ором дар минтақаи Осиёи Марказӣ Қазоқистонро интихоб карданд. 2 январи соли 2022 дар шаҳри нафтхези Жанаозени Ҷумҳурии Қазоқистон як гурӯҳ мардуми қазоқ бинобар каме афзун шудани арзиши газ ба гирдиҳамоии норизоёна аз ин ҳолат даст заданд. Ҳадафи аслии онҳо паст ва ё дар ҳамон арзиш қарор додани пули газ ба шумор мерафт.