ВОКУНИШ. Имрӯз ман ҳамчун ҷавони зодаи даврони истиқлолият ҳар як амали наҳзатиёни ифротӣ, аъзоёни Гуруҳи 24, инчунин хоиноне, ки дар хориҷи кишвар қарор доранд ва бар зидди миллати азизам санги маломат мезананд, маҳкум намуда, кирдори ноҷавонмардонаи онҳоро ҳамчун нанг дар таърихи миллати тоҷик медонам.

Аз рӯзе, ки мо Истиқлолият ба даст овардем, дар ҷумҳуриамон як қатор қонунҳои соҳавие қабул гардиданд, ки ин ё он соҳаи ҷамъиятиро ба танзим медароранд. Асоси ҳуқуқии мубориза бар зидди ифротгароиро дар Конститутсияи Ҷумҳурии Тоҷикистон, Қонун "Дар бораи мубориза бар зидди ифротгароӣ", санадҳои дигари қонунгузорӣ ва асноди ҳуқуқии байналмилалӣ, ки аз тарафи Тоҷикистон эътироф карда шудаанд, ташкил медиҳад.