Ба ҳамагон маълум аст, ки дастрасӣ ба иттилооти шабакаҳои иҷтимоӣ таъсири ҳам манфӣ ва ҳам мусбии худро дорад. Дар замони пешрафти технологияҳо ҳам хурду ҳам калон аз шабакаҳо истифода менамоянд. Шабакаҳои иҷтимоӣ яке аз воситаҳои таъсиррасонӣ ба шуури инсон гардидаанд. Вақтҳои охир дар шабакаҳои иҷтимоӣ андешаҳои мухталифи хиёнаткорони Ватанро дидан ва мутолиа намудан мумкин аст.

Тоҷикистони азизи мо ватани ободу зебост ва яке аз давлатҳои рў ба тараққӣ ниҳодаи ҷаҳон мебошад. Пас аз ба даст овардани соҳибистиқлолӣ соли 1991 Тоҷикистон кору фаъолияташро аз сари нав оғоз намуд. Бадбахтона, ҷанги бародаркуш, ки бо қувваи сеюми бадхоҳ оғоз гардид, ба Тоҷикистон миллиардҳо зарари моддиву молиявӣ овард.