Санаи 8-уми феврали соли ҷорӣ Раиси Додгоҳи олии Тоҷикистон Шермуҳаммади Шоҳиён дар нишасти матбуотӣ ба хабарнигорон маълум намуд, ки парвандаи Муҳиддин Кабирӣ-роҳбари мухолифин ҳамаҷониба тафтиш шуда, ҳамчун  махфӣ ба қайд гирифта шуда буд, ҳукми ғоибонаи он эълон шудааст.

Ӯ гуфт, ин парванда аз ҷониби суд мавриди тафтиш қарор гирифт ва аллакай нисбати парвандаи мазкур санади судӣ қабул гардидааст.

Муҳиддин Кабирӣ бар асоси 16 моддаи Кодекси ҷиноии Тоҷикистон моҳи октябри соли 2019 аз сӯи Додгоҳи олӣ дар ғайбаш маҳкум гардид.

Дар қатори воситаҳои хабарии марбут ба терроризми байналхалқӣ ва ифротгароён имрӯз телевизиони ба ном “Садои мардум” ҷой дорад, ки марбут ба созмони ифротии “Гурӯҳи 24” аст. Албатта ҳамин номи зеборо ин тудаи ифротӣ ҳайф кардаанд. Инҳо мардум нестанд ва садояшон ҳам мардумӣ нест. Балки ҷинояткороне ҳастанд, ки дар ҳамдастӣ бо ҳамкорони наҳзатиашон пайваста ҷиноятҳои зиддимардумӣ содир мекунанд.