Миллати тоҷик аз азал башардӯсту инсонпарвар буда, бо намояндагони ҳамаи халқу миллатҳо риштаи дӯстиро мустаҳкам ва робитаҳои ҳамкориро ривоҷу равнақ медод ва ин равандро то ба ҳол вусъат дода истодааст. Хусусан ҳамкориву дӯстии мо бо давлати ҳамзабону ҳамдини мо – Эрон, ки решаҳои таърихӣ дорад, хеле мустаҳкам аст. Чунки мо бар замми ҳамзабон будан боз таърих ва фарҳанги ягона дошта, адабиёти оламшумули моро ҷаҳониён ҳамчун адабиёти тоҷику форс ном мебаранд.