16 ноябр дар маркази шараки Фархор маросими идона бахшида ба 30-юмин солгарди Иҷлосияи 16-уми Шурои Олии Ҷумҳурии Тоҷикистон ва Рузи Президент баргузор гардид. Маросими идона бахшида ба ҷашнҳои фархундаи миллӣ аз раҳпаймоии осоишта оғоз гардид, ки дар он роҳбарияти мақомоти иҷроияи ҳокимияти давлати ва кормандони соҳаҳои гуногуни хоҷагии халқ, кормандони мақомоти ҳифзи ҳуқуқ, ва ҷавонону бонувони пешоҳанги нохияи Фархор иштирок намуданд.

Майнаи сари инсон хотирагоҳи бузургест, вале мутаассифона, аз садҳо як ҳиссааш ҳам фаъол нест. Аллакай аксаран он рӯзҳоеро, ки муҳтоҷи як бурда нон будем, аз хавф хобамон намебурд, дар рӯзи равшан аз хона баромада наметавонистем, кафолати то соати дигар зинда монданамон набуд, ҳамаро фаромӯш кардаем. Фаромӯш кардаем, ки мегуфтем, ки тинҷиву амонӣ шавад кофист, он тарафашро як илоҷ мекунем. Аммо афсӯс, ки бисёр чизҳоро аз ёд бурдаем. Ва зиёдтар мехоҳем, бештар талаб дорем. Ҳамин аст табиати одамизод: ҷонаш, ки аз азоб раҳо шуд, камтар шукр мекунаду бештар талаб.