Бо ташаббуси маҳфили илмиву адабии “Ганҷи сухан”-и ДДХ ба номи академик Бобоҷон Ғафуров дар китобхонаи ба номи Тошхоҷа Асирии шаҳри Хуҷанд мизи мудаввар таҳти унвони “Роҳу усулҳои илмиии мубориза бо терроризм ва экстеремизм дар шароити муосир, дар заминаи маводи китоби тозанашри узви вобастаи АИ Ҷумҳурии Тоҷикистон, доктори илмҳои сиёсатшиносӣ Саймумин Ятимов ”Миллат, илм, амният” баргузор гардид.

Ташкилоти террористию экстеремистӣ ҲНИ 18- сол дар дохили кишвари мо озодона фаъолият бурд. Онҳо ба ҷойи сохтани як муносибати дӯстона дар байни аҳолӣ, ҳар қадаре ки тавонист, тухми нафрату бадбиниро кошт. Ташкилоти террористию экстеремистӣ ҲНИ дар ҷаҳони муосир нафрату бадбинӣ ҳамчун мушкилоти аввалиндараҷаи ҷомеҳаи ҷаҳони шинохта шудааст.

Дар адабиёти муосири илмиву соҳавӣ дар масъалаи тафсиру таҳлили мафҳуми “терроризм” ақидаҳои гуногун вуҷуд дорад ва ҳар муҳаққиқ ин падидаро вобаста аз нуқтаи назар ва дидгоҳи худ таҳлил ва тафсир намудааст. Маънои луғавии вожаи лотинии “террор” тарс, даҳшат мебошад. Аз ин ҷо маълум мешвад, ки маънои “терроризм” даҳшатафканӣ ва ба вуҷуд овардани тарсу воҳима дар ҷомеа мебошад. Дар ҳақиқат пеш аз ҳама амалҳои террористӣ хусусияти зуроварӣ, маҷбурсозӣ, таҳдидкунандагӣ ва даҳшатафканиро доранд.